05
октябрь
2022
"Квадрат түбір" тақырыбындағы ашық сабақ
"Матай орта мектебі" КММ 28.09.2022ж математика пәнінің мұғалімі Озатханқызы Айдана 8 "б" сынып оқушыларымен "Квадрат түбір" тақырыбында ашық сабақ өткізді.Өткен сабақты қайталау мақсатында "Жасырынған әріптер" әдісін пайдаланды. Тапсырмаларды орындау барысында жеке, жұптық,топтық жұмыстар ұйымдастырылды. Мұғалім оқушыларға өзін-өзі бағалауға телефон шаблонын таратып беріп тапсырма дескрипторына сай смайликтермен өздерін бағалап отыруға ұсынды. Сабақ соңында ең көп смайлик жинаған оқушылар анықталып, мадақталды. Сергіту сәтін де тақырыппен байланыстырып оқушыларға лайфхак көрсетіліп квадрат түбірін жеңіл жолмен анықтау жолдары бойынша ақпарат көрсетілді. Оқушылар квадрат түбірге байланысты қызықты өмірмен байланысты деректермен бір-бірімен бөлісті. Сабақты қорытындылауда Wordwoll платформасы арқылы тест алынып, жоғары деңгейде орындаған оқушылар анықталды,нәтижесін интерактивті тақтадан көріп әр оқушы өзі жинаған ұпай санымен таныс болды. SMS арқылы оқушылар бүгінгі сабақтан алған әсерлерімен бөлісті. Барлық оқушы сабақ процессіне араласып еңбектері балдық жүйе негізінде бағаланды.