ЕНТ туралы
М.Маметова атындағы орта мектебі бойынша 2015-2016 оқу жылында ЕНТ қорытындысы
Жалпы орта білім курсы бойынша барлығы 5 оқушы бітірді. Оның ішінде ЕНТ нысанында 5 оқушы (80 %) тапсырса, 1оқушы өз өтініші негізінде мектепішілік мемлекеттік емтихан тапсырды.
ЕНТ нәтижесі бойынша жалпы орта балл – 64,5
Пәндер бойынша орта балл :
Қазақ тілі – 17 % - білім сапасы -66,6% мұғалімі Бүркітбаева Ж.Қ
Орыс тілі – 11,4 % - 66,6 % мұғалімі Садыкова Г.Қ
Қазақстан тарихы – 17,2% - 66,6% мұғалімі Құрманғалиева М.Р
Математика - 9,2 % -33,3% мұғалімі Өмірсерікова Д.С
Физика – 7 % - 50% мұғалімі Жиентаев Н.М
Биология - 14,5% -100% мұғалімі Байсалова Ж.Д
Ұлтты ұлт етіп дүниежүзілік деңгейге көтеретін оның саналы да дарынды,талантты ұрпағы. Қазіргі уақыт талабы-шәкірт білімінің тереңдігі.Бұл талап күн өткен сайын күшейе түсуде.Ал,білім сапасының негізгі көрсеткіші- ЕНТ.
Өткен оқу жылындағы ЕНТ қатысушылардың нәтижесі , жіберілген кемшіліктері педкеңесте және ӘБ-тер отырыстарында қаралып, жіберілген кемшіліктерді жою мақсатында 2015-2016 оқу жылында әр мұғалім,директордың оқу –тәрбие ісі жөніндегі орынбасары тарапынан іс-шаралар әр айға жоспарланып , осы бойынша жұмыстар атқарылды.Сондай-ақ мұғалімдердің сапалық құрамына сараптама жасалынып,11 сыныпқа сабақ беретін мұғалімдер құрамын таңдап, ЕНТ-ге дайындайтын жауапты мұғалімдер тізімі мектепішілік №109 бұйрықпен бекітілген. ЕНТ –ге дайындық жұмысы,аралық тестілеулердің қорытындысы педкеңесте, сондай-ақ әр ай сайын ДЖК-те,ӘБ отырыстарында қаралып,сараланып, мониторинг жасалынып, жіберілген кемшіліктер бойынша қосымша іс-шаралар жоспарланып,қосымша сабақтар беріледі.
Әр тестіден кейін кемшіліктерді жою бойынша әр пән мұғаліміне ұсыныс беріліп,ол ұсыныстарды қалай орындап жатқаны қосымша сабақтарға әкімшілік , ата-аналар қатысу арқылы бақыланып отырады. Сондай-ақ пән мұғалімдері өздері оқушылардың тарапынан қате жіберген тақырып бойынша сынама алып тексереді.Преподаватели оқушыларды деңгейге бөлу арқылы сабақтар өткізді.
Оқу жылының басынан ата-аналар мен мектеп бітіруші түлектер арасында жалпы мектепішілік, сынып жиналыстарында ЕНТ туралы ақпараттық түсіндірме жұмыстары ұйымдастырылды. Атап айтсақ ЕНТ –ге арналған бұрыш жасалынып онда ақпараттық қағаздар ілінумен қатар оқушы –ата-аналар арасында тренинг , сұрақ –жауап, анкета жүргізіліп, олардың ЕНТ туралы түсініктерін кеңейттік. Ата-аналар мен оқушыларға арналған кеңес –нұсқаулықтар үлестірілді.Осы іс-шаралардың нәтижесінде оқу жылын аяқтайтын 5 түлектің 4 -і ЕНТ таңдаса , 1 оқушы мектепте жалпы орта білім курсы бойынша мемлекеттік емтихан тапсыруға өтініш берді.
Пән бірлестіктерінде пән мұғалімдерімен ЕНТ –ге дайындау туралы семинарлар өткізіп, өзара пікір алмасып, мұғалімдер кезектесе дайындау сияқты жұмыстар ұйымдастыруда.Сонымен қатар қосымша әдебиеттермен жұмыстар өткізуді іске асыруда.
Оқушыларды ЕНТ –ге қатыстыруға дайындық жүйелі түрде жүргізіліп келді. Оқушылар мен ата –аналарды ЕНТ ерекшілігімен таныстырудан бастап, оқушыларды сынама , аралық тестілерге тұрақты қатынастырып, олардың ЕНТ –ге қатысуын қамтамасыз ететін барлық құжаттарын жинап, түгендеп, ЕНТ-ге кіретін рұқсаттама қағаздарын дайындап, мектепте ЕНТ-ге өткізілетін дайындық қосымша сабақтарын тұрақты , сапалы өтілуі қамтамасыз етілді.
Мектепте оқушыларды деңгейлерге бөлу арқылы әр пән мұғалімі 5-11сынып аралығындағы тақырыптарға шолу жасап,оқушыларға қиындық туғызып отырған бөлім, тақырыптармен қосымша жұмыстар өткізуде.
Қазақстан тарихы бойынша оқушылардың аралық сынама тест көрсеткіштерін көтеру мақсатында қосымша материалдармен жұмыс жүргізе отырып, хроникалық даталарды есте сақтауын бақылау негізінде қысқаша тест тұрақты өткізіліп отыр. Бұл әдіс оқушылардың өз бетінше ізденіп,есте сақтау қабілеттерін арттыруға үлес қосты,оқушылар өз деңгейінде білім нәтижесін көрсете алды.
Таңдау пәндері бойынша оқушылардың биология пәні бойынша таңдаған 2 оқушының аралық сынама тест нәтижелері жақсы.Пән мұғалімі тест, қосымша материалдармен тұрақты жұмыс жүргізу нәтижесінде білім сапасы көтерілді.
Физика пәнін таңдаған 1 оқушы жыл бойғы аралық сынама тестілерде жақсы нәтиже көрсеткенімен ,қорытынды тестте таңдаған пәнін «3» тапсырды. ЕНТ-де төмен нәтиже көрсеткен пән мұғалімдеріне ескерту берілді.
ЕНТ- де «2» алған оқушылар : жоқ.
ЕНТ –де пәндері бойынша төмен нәтиже көрсеткен физика пәні мұғалімі С.А.Жанұзақова мен математика пәні мұғалімі Д.С Өмірсеріковаға ескерту беріліп,өз білімдерін көтеру туралы ескертілді.