Ұстазым

"Ұстазым менің, ұстазым" челленджі. Ақсу ауданы, Ащыбұлақ ауылы, "М. Маметова атындағы орта мектеп, мектепке дейінгі шағын орталығымен" КММ дене шынықтыру пән мұғалімі Дутбаев Марат Телембайұлы. 

"Әлемді сұлулық құтқарады" деген әдемі сөз бар. Бұл адам баласының көркемдікті, сұлулықты қашан да іздейтін, сұлулықтан рухани азық алатынын білдірсе керек. Менің ойымша, Ұстаз білім ғана беріп қоймайды. Бала жанын сәулелендіруші, әлемді сүюге ықпал етуші тұлға. Қасиетті Құран Кәрімде "Ұстаз- Алланың елшісі" делінген, яғни адам жанына ізгілік нұрын құюшы, тәрбиелеуші деген сөз. Менің Анам, Ұстазым Байдолданова Қатипа Дулатбекқызы М.Маметова атындағы орта мектепте 40 жыл бойы бастауыш сынып мұғалімі қызметін абыроймен атқарған тұлға.  Ұзақ жылғы еңбек жолында шәкірттерінің ұшқыр ойлы дарындылық қабілетін шыңдап, ізденіске, жаңалық ашуға мүмкіндік жасады. Сән салтанаты келіскен кезеңде заңғар  заманның бәсекеге қабілетті азаматын тәрбиелеп шығару - ұстаз шарапаты мен шапағаты екені сөзсіз. Мен  де өмірлік Ұстазым, рухани Ұстазым- Қатипа анам  секілді ұстаздық жолымды білім дәнін егуге, балаға білім беруге арнадым. Бүгін де сол еткен еңбегім нәтижесіз емес. Мектепке келген әр жас маманның педагогикалық еңбек жолына бағыт- бағдар беріп, оларға қолдау көрсетуімнің бірден бір себебі, Ардагер ұстаздардың алдын көргендігім  болар. Айналамдағы өз әріптестерімнің жәй педагогтен " Ұстаз" деген атқа лайық болуына ықпал етуге тырысамын. Осындай ұлы істің, қызығы мен шыжығы мол мамандықтың иесі болу - үлкен бақыт.